奇怪既感覺!!

呢排唔知發生咩事.... 有一種好奇怪既感覺.. 近似不詳既感覺...!! 究竟點解會咁既呢..~~ 連續3晚都發惡夢醒左.. 感覺好差.~~

事實係生活上冇咩特別事發生..~ 但點解會咁既呢..?

結婚恐懼症..??! 唔會卦..~~~~

工作壓力...又冇理由..因為實在太得閒.~~~

究竟我發生咩事呢.~ 可唔可以快D開心番呢.... sigh~~~ :(

唔通快到30歲...嘩哈哈哈.~ 一.一"

門~

門都到了..~~ 真係放心了, 做出黎既較果真係唔錯.~~ 再加埋我精心挑選既門鎖..靚靚..~ ohoh

不過望多兩眼先發覺, 隻大門好似唔係我地訂個隻款..~~ 一於出去對一對model no. .. 點知真係送錯貨..~

點好..換門好定叫佢陪錢好呢.~~?

個老細都好好人事...不停咁講唔好意思. 又冇黑臉... 反正隻門都唔差.. 我地就用呢隻啦..~ win win solution.. 佢開價陪1/4隻門錢 $500, honey還$700, 好快就答應了,..... 真好... 又唔洗再等/浪費左隻門.. GOOD~~

廚櫃

最期待既廚櫃終於都開始做啦.~~~

我地只係揀櫃色...都爭扎左好耐, 去旺角睇左好多次....究竟黑色光面, 白色+暗紋 定係 木紋好呢..??~

Honey 第一時間BAND 左黑色, 廁所已經好黑了... 所以黑色係 forbidden 係廚房, 如白色... 又怕會變黃, 又易dirty..

無意中係討論區見到的人POST 左個銀灰木紋, 同我地之前曾經考慮過既款好似.. 做出黎真的唔錯啊~ 就係咁樣就決定左了.~~

依家訂緊的櫃門了.. 應該下星期有貸到...緊張.~~呵呵呵~

厠所＆廚房

厠所廚房的磁磚都７７８８了。。地下都整好了。～

厠所得確係黑左少少。。　不過都幾中意。～

廚房要開始揀廚櫃既色，　究竟木紋好定白色好呢？　白色就一定靚既～　仲光猛的，不過就易dirty. 呢樣就留比honey 決定：Ｐ

磁磚~

不經不覺裝修行動都開始左近一個月了~~ 係旺角, 元朗 & 屯門行左數十間既磁磚舖, 終於係7月中買了近似我心目中既厠所磚..~~~ 而廚房就簡單為主.~~ 相對就容易揀得多了~~~

早兩日上左新屋睇... 厠所&廚房磚都痴

好哂牆身了~~ 第一眼見到個厠所...我的紙皮石... 好開心好靚... 睇多幾眼, 發覺真係好似有的黑.~~ 加埋的黑色掃口粉... 黑左.. 一.一" 就係因為聽磚舖老闆娘講, 黑色型格的, 加埋朋友仔都係用黑色掃口粉... 再加埋自己驚白色好易變黑, 難清潔, 我就把心一畫用了黑色掃口粉~~原來錯了~~ sigh~~只好比未來老公仔埋怨個厠所黑左少少, 只好自己安慰自己吧!... 都唔係好差啫.~ 呵呵呵~

木門~~ 好開心訂了我一眼看中的薰衣草色.~~ 雖然個廚房門塊玻璃細左少少..不過都like ^.^ 希望交期唔好遲啦...想快D睇到.. 呵呵呵..

絲花球

深思熟慮左好耐.. 終於去左訂做了一個絲花球, 係 pre wedding photo shooting 時用.. 經我好努力解釋比花店老闆娘聽我心目中想要既花球, 混合埋老闆娘既意見, 今日終於有得攞了..~

第一眼見到... 超鍾意.... 白色為主帶一的桃紅色花花襯托..一流喔! ^.^兩隻都係我最愛既顏色, 清得黎又有野睇... 超開心..!! 好滿意喔.~~

裝修行動開始..~~

6月4日收左樓了..~~ 睇過間屋後,都同之前一樣... 主要都係大執kitchen & Toilet.

希望可以用最少既錢錢而得到最接近我想要既野... 呵呵!!

第一時間就搵左個裝修師傅黎打價. 主要做油漆, 換門, 清拆 Kitchen & Toilet. 初步報價$ 95,800 (唔包料), 我地嘗試壓價, 可惜都係便左$1000 + 5對門既五金料. 見個裝修佬都幾老實.. 一於比佢做啦~ 7月6日拜完神就可開工了! 緊張~

接住要開始睇磁磚~ 因Budget 問題意大利&西班牙磚都OUT哂. 不過我堅決要靚靚紙板石係花灑位..呵呵呵! 行了整整兩日.... 大概都有個idea/design係個腦度.. :P

仲有Sink, 座厠, 水龍頭 etc... 好多好多野要買~~~~~~